A Bäpperle isch a Doil was hinta druff bäbbig isch.
It alles was hinta druff bäbbig isch isch au a Bäbberle.
Ischs vorne druff bäppig ischs dreckig aber koin Bäpperle.
Aber a Bäbberle koh au vorne druff bäbbig sei. No ischs halt a dreckiges Bäberle.
A richtiges Bäpperle isch erscht a Bäpperle wenns wo druffbäbbt.
Ond ohne dasses henta druff bäbbig isch bäbbts net ond isch deshalb au koi Bäbberle.
Mr nimmt also a Stickle wo a Bäbberle werra soll, machts hentadruff bäbbig ond scho ischs a Bäbberle.
Wenn a Bäbberle wo druff bäbbt, denn isch des Doil bebäbbt.
Scheene Bäbberle nennt mer au Schdigger ond dia werrad sogar gsammelt.
So a Schdiggersammlung bschtoht braktisch aus lauter Bäbberle.


(Verfasser unbekannt)